Birinci “Yüksəliş” müsabiqəsinin qalibi Güldənə Hidayətli “Gənclərin Maarifləndirilməsinə Dəstək” İB-nin təşkilatçılığı ilə baş tutan “Gəncin Səsi” həftəsi çərçivəsində “Fəal vətəndaşlıq- Fəal gənclik” mövzusunda panel görüşdə iştirak edib. O, müsabiqə ilə bağlı təcrübələrini bölüşüb, karyerada uğur qazanmaq istiqamətində gənclərin suallarını cavablandırıb.

Xatırladaq ki, “Yüksəliş” müsabiqəsi Azərbaycan Respublikası Prezidentinin 26 iyul 2019-cu il tarixində imzaladığı Sərəncamla təsis olunub. Müsabiqə 21-51 yaş aralığında, ikiillik idarəçilik təcrübəsi olan, ali təhsilli Azərbaycan Respublikasının vətəndaşlarını əhatə edir. Müsabiqə 5 mərhələdən – qeydiyyat, onlayn seçim, əyani, yarımfinal və finaldan ibarətdir. Müsabiqə qalibləri idarəçi rəhbərlər (https://yukselish.az/mentors.html) tərəfindən  birillik fərdi inkişaf planı və hər biri 20 min manat məbləğində özünüinkişaf qrantı əldə edirlər.

Qeyd edək ki, növbəti, sayca dördüncü “Yüksəliş” müsabiqəsinin keçirilməsi ilə bağlı Azərbaycan Respublikasının Prezidenti tərəfindən 25 dekabr 2023-cüil tarixində Sərəncam imzalanıb.