İkinci “Yüksəliş” müsabiqəsinin qalibləri üçün mentorluq proqramına start verildi

İkinci “Yüksəliş” müsabiqəsinin qalibləri idarəçi rəhbərlər tərəfindən onlara təqdim olunan 1 illik fərdi inkişaf planının icrasına başlayıblar. Belə ki, müsabiqənin İşçi Qrupu mentorlar və qaliblərin bölgüsünü müəyyənləşdirib. Müsabiqənin şərtlərinə əsasən, 22 qalibin hər biri 1 illik mentorluq proqramı çərçivəsində müvafiq idarəçi rəhbərlər tərəfindən təcrübələrə cəlb olunacaq. İlk müsabiqədən fərqli olaraq ikinci müsabiqədə hər bir qalib iki idarəçi rəhbərin mentorluq təcrübəsindən yararlanacaq.

Mentorluq proqramının bölgüsü aşağıdakı kimidir:

Emin Hüseynov – Azərbaycan Respublikası Prezidentinin xüsusi nümayəndəsi

Qaliblər: Emil Məmmədli, Əli Əhmədov

Mikayıl Cabbarov – Azərbaycan Respublikasının iqtisadiyyat naziri

Qaliblər: Nərgiz Balakişiyeva, Nihad Mənsimzadə

Ceyhun Bayramov – Azərbaycan Respublikasının xarici işlər naziri

Qalib: İlyas İsmayıllı

Sahil Babayev – Azərbaycan Respublikasının əmək və əhalinin sosial müdafiəsi naziri

Qaliblər: Fərrux Məhərrəmli, Nərgiz Balakişiyeva

Emin Əmrullayev – Azərbaycan Respublikasının elm və təhsil naziri

Qaliblər: Mustafa Hüseynov, Nərgiz İsmayılova

Fərid Qayıbov – Azərbaycan Respublikasının gənclər və idman naziri

Qaliblər: Arzu Tairquliyeva-Nağıyeva, İlyas İsmayıllı

Rəşad Nəbiyev – Azərbaycan Respublikasının rəqəmsal inkişaf və nəqliyyat naziri

Qaliblər: Elkiyar Ziyadov, Etibar Hüseynov

Pərviz Şahbazov – Azərbaycan Respublikasının energetika naziri

Qaliblər: Şöhrət İsa-zadə, Nihad Mənsimzadə

İnam Kərimov – Azərbaycan Respublikasının kənd təsərrüfatı naziri

Qalib: Elkiyar Ziyadov

Məleykə Abbaszadə – Dövlət İmtahan Mərkəzinin Direktorlar Şurasının sədri

Qaliblər: Elmir Hüseynov, Mehriban Rəsulova

Vüsal Hüseynov – Dövlət Miqrasiya Xidmətinin rəisi

Qalib: Camal Nağıyev

Ülvi Mehdiyev – Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri

Qaliblər: Fərrux Məhərrəmli, Nərgiz İsmayılova

Taleh Kazımov – Azərbaycan Respublikası Mərkəzi Bankının sədri

Qaliblər: Emil Məmmədli, Fərid İsayev

Rövşən Nəcəf – SOCAR-ın prezidenti

Qaliblər: Şöhrət İsa-zadə, Ramil Abulov

Şahin Seyidzadə – İçərişəhər Dövlət Tarix-Memarlıq Qoruğu İdarəsinin İdarə heyətinin sədri

Qalib: Mehriban Rəsulova

Orxan Məmmədov – KOBİA-nın İdarə heyətinin sədri

Qalib: Hüseyn Mahmudov

Rəhman Hacıyev – “Qarabağ Dirçəliş Fondu” İdarə heyətinin sədri

Qaliblər: Elşən Həziyev, Vüsalə Bayramova

Bəxtiyar Aslanbəyli – BP-nin vitse-prezidenti

Qaliblər: Azər Əzimov, Fərid İsayev

Anar Bağırov – Vəkillər Kollegiyasının sədri

Qalib: Ramil Abulov

Cəlal Qasımov – “PAŞA Holding”in baş icraçı direktoru

Qaliblər: Mustafa Hüseynov, Elmir Hüseynov

Cavid Quliyev – “PAŞA Bank”ın İdarə heyətinin sədri

Qaliblər: Elşən Həziyev, Xanbaba Sultanlı

Səbinə Əliyeva – Ombudsman

Qalib: Vüsalə Bayramova

Zakir İbrahimov – “AzerGold” Qapalı Səhmdar Cəmiyyətinin sədri

Qalib: Əli Əhmədov

Rövşən Allahverdiyev – “Kapital Bank”ın İdarə heyətinin sədri

Qaliblər: Camal Nağıyev, Xanbaba Sultanlı

Ruslan Əlixanov – Azərbaycan İnvestisiya Holdinqinin baş icraçı direktoru

Qaliblər: Azər Əzimov, Hüseyn Mahmudov

Hafiz Paşayev – ADA Universitetinin rektoru

Qaliblər: Arzu Tairquliyeva-Nağıyeva, Etibar Hüseynov

Qeyd edək ki, “Yüksəliş” müsabiqəsinin qalibləri idarəçi rəhbərlər tərəfindən 1 illik fərdi inkişaf planı və hər biri 20 min AZN məbləğində pul mükafatı əldə edir.

“Yüksəliş” müsabiqəsi Azərbaycan Respublikasının Prezidenti cənab İlham Əliyevin 26 iyul 2019-cu il tarixində imzaladığı sərəncamla intellektual səviyyəsi və idarəçilik bacarıqları yüksək olan perspektivli rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının yaradılmasını təmin etmək məqsədilə təsis olunub. 2023-cü ildə növbəti “Yüksəliş” müsabiqəsinin keçirilməsi ilə bağlı Azərbaycan Respublikasının Prezidenti cənab İlham Əliyev tərəfindən sərəncam isə ötən ayın 20-də imzalandı.