“Könüllü DOST” proqramının təşkilatçılığı, “Yüksəliş” müsabiqəsinin tərəfdaşlığı ilə “Könüllü Klubları” layihəsinə start verilib.

“Könüllü DOST” proqramının təşkilatçılığı, “Yüksəliş” müsabiqəsinin tərəfdaşlığı ilə “Könüllü Klubları” layihəsinə start verilib.

“Yüksəliş” müsabiqəsi qaliblərinin qonaq olduğu layihənin məqsədi könüllülərin fərdi inkişafına dəstək olmaq, onların təcrübi biliklərini, o cümlədən liderlik bacarıqlarını artırmaq, yaradıcı və innovativ potensialının üzə çıxarılmasına dəstək göstərməkdir.

Müsabiqənin qalibləri biri-birindən maraqlı mövzularda çıxış edərək layihə vasitəsilə könüllülərə yaddaqalan təcrübə qazanmaq imkanı yaradırlar.

Qeyd edək ki, artıq qaliblərimiz Ruslan Mirzəliyev, Nərgiz İsmayılova, Camal Nağıyev, Mehriban Rəsulova, Bayram Orucov, Səkinə Vəliyeva və Saməddin Abbasovun qatıldığı “Könüllü Klubları” layihəsinin silsilə görüşləri növbəti həftələrdə davam edəcək. 

Qeyd edək ki, “Yüksəliş” müsabiqəsi Azərbaycan Respublikasının Prezidenti cənab İlham Əliyevin 26 iyul 2019-cu il tarixində imzaladığı Sərəncamla təsis olunub. Müsabiqə qalibləri mentorlar (https://yukselish.az/mentors.html) tərəfindən birillik fərdi inkişaf planı və hər biri 20 min manat məbləğində özünüinkişaf üçün pul mükafatı əldə edirlər.

Növbəti, sayca dördüncü “Yüksəliş” müsabiqəsinin keçirilməsi ilə bağlı Azərbaycan Respublikasının Prezidenti cənab İlham Əliyev tərəfindən 25 dekabr 2023-cü il tarixində müvafiq Sərəncam imzalanıb.