Milli Məclisin deputatı Şahin Seyidzadə üçüncü "Yüksəliş" müsabiqəsinin qalibləri Şamxal Cəmilzadə və Ülviyyə Mehralıyeva ilə növbəti dəfə görüş keçirib.

Görüş zamanı ilin mentorluq proqramının nəticələri müzakirə olunub və qaliblərin qazandığı təcrübələr, həmçinin proqram çərçivəsində əldə olunan uğurlar haqqında fikir mübadiləsi aparılıb.

"Yüksəliş" müsabiqəsi Azərbaycan Respublikasının Prezidenti cənab İlham Əliyevin 26 iyul 2019-cu il tarixli Sərəncamı ilə təsis edilib. Müsabiqənin qalibləri mentorlar tərəfindən birillik fərdi inkişaf planı ilə təmin olunur və 20 min manatlıq mükafat qazanırlar.

Dördüncü “Yüksəliş” müsabiqəsinin keçirilməsi barədə Azərbaycan Respublikasının Prezidenti cənab İlham Əliyev 25 dekabr 2023-cü il tarixində müvafiq Sərəncam imzalayıb.