Qaliblərimiz mentorluq proqramı çərçivəsində “Azercell Telekom” MMC-nin prezidenti Zərinə Zeynalova ilə görüşüblər.

Üçüncü "Yüksəliş" müsabiqəsinin qalibləri Azad Qəribov və Şahin Mahmudzadə ilə görüşdə "Azercell Telekom"da həyata keçirilən transformasiya strategiyası, yeni idarəetmə modeli və korporativ dəyərlər müzakirə edilib. Zərinə Zeynalova beynəlxalq təcrübələrin ölkəmizdə tətbiqi ilə bağlı qaliblərə öz tövsiyələrini verib.

Qeyd edək ki, “Yüksəliş” müsabiqəsi Azərbaycan Respublikasının Prezidenti cənab İlham Əliyevin 26 iyul 2019-cu il tarixində imzaladığı Sərəncamla təsis olunub. Müsabiqə qalibləri mentorlar (https://yukselish.az/mentors.html) tərəfindən birillik fərdi inkişaf planı və hər biri 20 min manat məbləğində özünüinkişaf üçün pul mükafatı əldə edirlər.

“Yüksəliş” müsabiqəsinin dördüncü dəfə keçirilməsi ilə bağlı Azərbaycan Respublikasının Prezidenti cənab İlham Əliyev tərəfindən 25 dekabr 2023-cü il tarixində müvafiq Sərəncam imzalanıb.