“Yüksəliş” müsabiqəsi qalibləri Azərbaycan Diaspor Könüllüləri üçün təşkil olunmuş görüşdə iştirak ediblər

Qaliblərimiz növbəti səmərəli görüşdə iştirak ediblər!

Azərbaycan Diaspor Könüllüləri üçün təşkil olunmuş görüşə qaliblərimiz Elvin Əlizadə, Azad Qəribov və Emil Bəşirov qatılıblar. 

Könüllülərin “Yüksəliş” haqqındakı suallarını cavablandıran qaliblər, müsabiqənin mərhələlərindən və öz qələbələrindən də danışıblar.

Qaliblərimiz könüllülərə təhsillərində düzgün ixtisas seçimi və karyera istiqaməti ilə bağlı öz tövsiyələrini verib, xaricdə təhsil üçün yaranan imkanlardan söz açıblar. 

“Yüksəliş” müsabiqəsi Azərbaycan Respublikasının Prezidenti cənab İlham Əliyevin 26 iyul 2019-cu il tarixində imzaladığı Sərəncamla təsis olunub. Müsabiqə qalibləri mentorlar (https://yukselish.az/mentors.html) tərəfindən birillik fərdi inkişaf planı və hər biri 20 min manat məbləğində özünüinkişaf üçün pul mükafatı əldə edirlər.

Növbəti, sayca dördüncü “Yüksəliş” müsabiqəsinin keçirilməsi ilə bağlı Azərbaycan Respublikasının Prezidenti cənab İlham Əliyev tərəfindən 25 dekabr 2023-cü il tarixində müvafiq Sərəncam imzalanıb.