Üçüncü "Yüksəliş" müsabiqəsinin qalibi Emil Bəşirov ADNSU tələbələri Nərmin Abdullazadə və Fərid Babayev, DİA tələbəsi Fuad Qasımzadə ilə görüşüb. 

O, tələbələrlə görüşdə peşəkar inkişafın karyera yolundakı əhəmiyyətini vurğulayaraq, onlara qısa və uzunmüddətli karyera hədəfləri müəyyən etməyi və bu hədəflərə çatmaq üçün planlı şəkildə çalışmağı tövsiyə edib. Mentor Emil Bəşirov SOCAR-da həyata keçirilən layihələr barədə ətraflı məlumat verərək, onları bu təşəbbüslərdə fəal iştirak etməyə dəvət edib.

"Yüksəliş" müsabiqəsi Azərbaycan Respublikasının Prezidenti cənab İlham Əliyevin 26 iyul 2019-cu il tarixli Sərəncamı ilə təsis edilib. Müsabiqənin qalibləri mentorlar tərəfindən birillik fərdi inkişaf planı ilə təmin olunur və 20 min manatlıq mükafat qazanırlar.

Dördüncü “Yüksəliş” müsabiqəsinin keçirilməsi barədə Azərbaycan Respublikasının Prezidenti cənab İlham Əliyev 25 dekabr 2023-cü il tarixində müvafiq Sərəncam imzalayıb.