“Yüksəliş” müsabiqəsinin Təşkilat Komitəsinin növbəti iclası baş tutub

İntellektual səviyyəsi və idarəçilik keyfiyyətləri yüksək olan rəhbər şəxslərin müəyyən edilməsi, dəstəklənməsi məqsədilə təsis olunmuş “Yüksəliş” müsabiqəsinin Təşkilat Komitəsinin növbəti iclası keçirilib.

Təşkilat Komitəsinin sədri Fərəh Əliyeva dövlət başçısıcənab İlham Əliyevin müvafiq Sərəncamına uyğun olaraqyaradılmış "Yüksəliş" müsabiqəsinin ölkədərəqabətqabiliyyətli insan kapitalının inkişafında, peşəkarkadr ehtiyatı bankının formalaşdırılmasında önəmli platforma olduğunu qeyd edib. Bildirilib ki, dördüncü dəfətəşkil ediləcək müsabiqə idarəetmə bacarıqlarına güvənən şəxslər üçün geniş perspektivlər açacaq.

İclasda dördüncü “Yüksəliş” müsabiqəsinin ümumi konsepsiyası, strukturu, məzmunu və gündəlikdə duran digər məsələlər barədə fikir mübadiləsi aparılıb, müvafiq qərarlar qəbul olunub.

Qeyd edək ki, müsabiqə qalibləri mentorlar (https://yukselish.az/mentors.html) tərəfindən bir illik fərdi inkişaf planı və özünüinkişaf üçün 20 min manat məbləğində pul mükafatı əldə edirlər.